Direito On Air: Crew Direito ho sira nia aktifidade

Nutisia Badak

Dili,23 Novembro 2009

Direito FM servisu hamutuk ho Assosiasaun HAK no AFAD halao transmisaun direita ba Public Forum ho nia tittlu "Convention on Enforced Disappearances, Victims Rights on Truth and Justice and Urgency of Ratification by Timor Leste". Programa ne'e hanesan kampanha no lobby ba Stadu Timor Leste hodi halo tratado ba Convensaun. Orador ou bainaka nebe iha panel mak hanesan :

1.Mugiyanto husi organizasaun IKOHI jakarta no hanesan Kordinador Geral ba AFAD.

2. Mary Aileen Diez-Bacalso (Filipina-mos Sekjen AFAD)

3. Rosanna Santos - Contreras (AFAD)

4. Khurram (India)

5. Ruth (Bolivia)

Hanesan media programa ba asuntu direito humanos Direito FM iha dever atu habelar informasaun ba publiku. programa ida sei hahu iha tuku 09.00 to'o 11.00. loron segunda feira 23 de Novembro 2009 iha Aula Ass.HAK Farol. Programa ne'e sei direizi husi maneger Direito FM, Presentar Viktoria Lopes no Fernando de Jesus Tavares, Tekniko Etelvino da Costa no evaluator Prisca Pires.

Dili,24 Outobru 2009

Hahu dia 23 Outobru 2009 ekipa ida husi Direito FM halo programa full feature ida kona ba Municipio ho Thema "Saida Maka Municipo" abjetivu husi programa ne'e atu ajuda fo informasaun klean ba Comunidade hodi sira bele hatene liutan Camara Municipio iha timor leste.

Autor sira nebe mak atu fo informasaun ba publiku maka liu-liu husi Ministerio Statal, Parlamento Nasional, CNE no STAE. husi programa ne'e mos sei husu matenek balun nia hanoin kona ba Camara Municipio ne'e. programa ne'e sei partisipa husi Lider Cominitario, Akademiko, ONG, Igreja, Organizasaun Feto, Juventude no sira seluk.

Programa ne'e komesa hahu iha dia 23 outubru - dia 7 Novembru 2009 no On Air iha dia 9 Novembru 2009.

Ekipa Programa Direito FM

Radio halo spesikasaun ba nia ekipamento ho radio Satu Nama Jogjakarta Indonesia

Tuir mai Ekipamento nebe Direito FM persija :

Pemancar 150 watt (PLL LCD Control Frequency,Stereo Encoder watt meter) 1 unit.

Kabel RG 8 (Heliax 5/8, 30 meter

Antena 2x5/8 Bahan Aluminium 1 package.

Dili, 8 Oct'09

Edukasaun sivika husi Divizaun Hametin Lei no Direitus Umanos

Programa Kona ba Prosedura ba Kazu Krimi ho Prinsipiu Direitus Umanos

Narador : Noi, Quim
Naskah : Quim
Mixing : Noi
Editing : Quim
Realiza no Tekniko operador : Abino
Lia Expert :
Ze.Lius de Oliveira, Rogerio Vicente, Leao, Ana Paulano no Leadro de Sena.

Direito FM hanesan media programa ne’ebe haka’as an hodi fo nafatin informasaun kona ba Direitus Umanos, Lei, Justisa, Egualidade jenero no sai hanesan edukasaun ida ba publiko......
Atu alkansa informasaun hirak ne’e Direito FM servisu hamutuk ho Asosiasaun HAK Divisaun Hametin Lei no Direitus umanos hodi hatun informasaun kona ba
PROSEDURA KRIMI NO DIREITUS UMANUS ba ovintes Direito nia futar tilun.......tuir nafatin informasaun ne’e…..inportante atu hatene……hodi labele sai vitima ba informasaun atu nune’e bele hatene no ajuda ita nia Polisia no Autor Judisiario hodi halao sira nia knar ho profesionalismo.
Programa ne’e sai hatun edisaun 5 loron-loron tuku 13-14.00 ka iha oras ida nia laran. keta haluha, loke imi nia direito fm. Informasaun ne’e hanesan meius ida atu ajuda
ovintis sira bainhira mosu kazu krimi ruma iha ovintes
sira nia komunidade. Informasaun ne‘e mensiona kona-ba
informasaun jeral knar polisia no autoridade judisiariu
nian relasiona ho Kodiku Prosesu Penal no Direitus
Umanus.
Ami espera katak programa ne’e bele sai hanesan meus
konsultasaun legal ida ba ita bo’ot sira, bainhira mosu
duvidas no prekupasaun ruma kona-ba prosesu krimi
ne‘ebé ovintis sira infrenta iha komunidade. Programa ne'e sei publika iha loron 24 Agusto 2009 oras tuku 13.00 - 14.00 Otl

Dili,18.08.09

Intervista executivu ho Presidente CNE

Esperensia hatudu ona ba ita katak Doutor Faustino hamutuk ho komisaris sira seluk hatudu sira nia servisu nebe diak tebes iha eleisaun ba Parlamento Nasional no Eleisaun presidensial ho suksesu no suku nebe dala uluk nebe halao fulan septembru tinan 2004. Atu hatene kona ba servisu CNE nia nebe Konstitusaun fo mandate atu supervisiona ba Kualker eleisaun….. maske ida pergunta ida nebe ladun iha valor maibe ema barak sei kunfundi ho servisu CNE nia ho STAE (STAE propoin CNE aprova : saida deit mak stae propoin ba CNE hodi aprova....? iha dia 14 Agustu 2009 Dr. Faustino Cardozo Presidente Comisaun Nasional Eleitoral (CNE) halao intervista iha studio radio Direito tuku 10.00. iha oras ida nia laran dada lia ne'e mos koalia kona ba perparasaun CNE ba eleisaun suku nia nebe halao iha fulan setembru 2009 ne'e. 15.08.09

Debate Publiko lao ho Suksesu

Debeta nebe halao iha dia 9 de junio 2009 iha aula A.HAK lao tuir planu nebe determina ona. konvidadus nebe konvida mos marka sira nia presenta sou Sr. Joao Fernandes responsavel husi raja wali putih deit mak la marka nia presensa. hotu-hotu hato'o sira nia idea hodi haka'as an atu hamutuk hari paz iha Timor. iha aportunidade ne'e prezensa mos Sr. Filisberto Diaz hanesan Presidente reguladora artes marsias no Sr. Silverio Baptista hanesan Arjunto PDHJ. Moderator Sr. Edio ho talenta nebe dinamis modera programa ne'e ho diak.

Produsaun : Direito FM 88.8@2009

Dili, 09 junio 2009

Debate Publiko

Atu realiza programa nebe difini ona Direito FM iha dia 9 junio halao nia edisaun permeiro ho debate publiko nebe servisu hamutuk Instituisaun Timor Oan ba Estudu Paz no Transformasaun Sosial halao transmisaun direita ho Lider arte marsiais sira nebe halibur iha Federasaun Silat Timor Lorosae hodi debate kona ba sira nia konsepto desemvolvimento nasional. debate ne'e sei halao iha salao reuniaun P.HAK farol Dili. tema husi debate ne'e "HARI’I PAZ LIUHOSI EZERSISIU ARTE MARSIAIS IHA TIMOR-LESTE". programa ne'e sei halao iha oras ida nia laran komesa husi 17.00 - 18.00. Moderador ba programa ne'e Sr. Edio Saldanha no Quim Brites. iha mos Observador nain 3 mak hanesan Sr. Aniceto Berteni Neves nudar Presidente Festil, Sr. Silverio Baptista hanesan Adjunto Provedor ba Direitos Humanos no Sr. Firminio Diaz nudar Presidente ba komisaun Reguladores ba Arte Marsiais. (040609)

Vizita stasaun no lia menon

Iha loron hira nia laran ema barak mak manda SM mai iha no telemovel 7241765. balun hakarak atu didika muzika ba sira nia familia, kolega no balun hakarak deit atu hatene informasaun kona ba radio ne'e. ema hirak ne'e hela iha Comoro, Bekora, Palapaso no ida tan husi Atauro. iha fulan hirak liu ba kotuk ema barak rona FM 88.8 maibe lahatene radio ne'e se nia no nia fatin iha nebe. Wainhira iha dia 25 de maio fulan ne'e ami hato'o ID radio nia (Jingle) sira mos hakfodak no manda kedas SM mai nomero nebe fo sai.

Iha loron 30 de maio ne'e estudante Direito husi universidade privado ida husi Dili mai kedas vizita stasaun radio ne'e. sira kontenti tamba oras ne'e iha Dili iha ona radio ida nebe fokus liu ba Lei, Justisa, Direitus Umano no genero. no sira mos fo sira nia komentario katak se radio ne'e ezisti ona tenki kampanha maka'as direitu umano, justisa no Lei hodi nune'e ema barak bele komprende no aprende sira nia lei rasik i sira mos suzere atu halao edukasaun sivika nebe diak liu husi radio.

Direito 30 de maio 2009

Direito ID

Ovintes imi hamutuk ho Direito FM husi Farol Dili..............,Ne'e mak lia husi Leila (17) alumnus Sekondaria Cristal Dili. Leila mos iha banda muzika (vokalis) ida nebe hatudu nia talenta iha Mercado Municipal Dili dia 20 de maio 2009. Jingle ho durasaun min 2.50 ne'e ho sound efect instrumental kompuser James Last ho nia titlu Clarinet Polka.......................jingle ne'e hahu iha tuku 2.00 dia 25 maio 2009.

Kamis, 02 Juli 2009

Crew Direito ho sira nia aktifidade

Tidak ada komentar:

Link Direito