Discusaun ba Papel CAC

A. Introdusaun

Direito FM nudar media electronika alternativu (Radio) husi Asosiasaun HAK nebe focus ba nia programa ba asuntu direitus umanus, lei, justisa, no balance bazeia ba generu. Programa sira ne'e halao ho karakteristiku edukativu, disemina informasaun nebe los, imparsial no sai mata dalan hasae audensia nia konsiensia sobre lei no direitus umanus. Liliu audensia sira iha Dili no distritu sira besik ne'ebe kapta frekuensia Radio Direitu FM. Radio Direito FM mos laos radio nutisia no laos radio bisnis nebe buka lukru. Metodologia programa nebe Radio Direito FM uza mak hanesan diskusaun radio, debate publiku, intervista eksklusivu, talkshow, feature no seminario. Ho metodologia hirak ne’e audensia bele hetan informasaun nebe diak no kompletu.

Korupsaun sai asuntu importante ida husi asuntu direitus umanus no lei. Tamba esforsu kombate korupsaun hahu'u halao dadauk husi governu ka estado Timor Leste, entaun Radio Direitu FM iha tinan 2010 fo mos atensaun bot ba asuntu ne'e. Atensaun ne'e sei fo liu husi kontribui ba hamosu diskusaun publika no hato'o hanoin ba publiku sobre korupsaun no saida mak Timor Leste tenke halo atu kombate no prevene korupsaun. Ba kontekstu ida nune'e mak Radio Direitu FM iha tempu besik ne'e sei halao diskusaun publiku ida, no direitamente diskusaun ne'e sei hato'o ba publiku hodi publiku kompriende korupsaun no kompriende saida mak publiku no instituisaun estado nian, inklui CAC (comisaun anti corupsaun), tenke halo ba kombate no prevene korupsaun.

B. Objetivu
1. Hasae audensia nia kunhesimentu konaba asuntu korupsaun no dalan kombate no prevene korupsaun iha nasaun Timor Leste
2. Hasae audensia nia konsiensai konaba importansia partisipasaun povu no parte hotu atu kombate no prevene korupsaun iha nasaun nurak ida ne'e
3. Dudu instituisaun CAC atu servisu diak ba kombate no prevene korupsaun iha Timor Leste

C. Target
Programa diskusaun ne’e sei halao iha fase rua hanesan audensia iha salao no audensia iha Dili laran nebe akompanha husi emisora Direito FM. Direito FM sei halo transmisaun direita ba programa diskusaun ne’e.


D. Orador/Lia Nain
Lia nain iha diskusaun ne'e mak hanesan :
1. Comisario CAC
2. Provedoria dos Direitos Humanos
3. Asosiasaun HAK (Sosiadade Sivil)

E. Obsevador
Observador sira nebe atu mai observa no fo sira nia konhesimento ruma kona ba lei no politika sobre asuntu korupsaun mai husi reprezentante universitariu, ONG nasional, no grupu parseiru balun no Individu nebe iha konyesemento klean ba area judiciario no academia iha Dili laran.

F. Audens
Audens iha programa diskusaun ne'e mak estudante universitariu sira no organizasaun sosiadade sivil nebe iha interese ba asuntu korupsaun no audensia Radio Direito FM sira iha Dili laran.

Issu/Topiku : CAC nia papel
Data : Quinta-feira, 15 Abril 2010
Fatin : Studio mini Direito FM (Aula Ass. HAK)
Oras : 15.00 – 17.00
Moderador : Dr. Fernando da Costa (ATO).
Host : Quim no Noy

Orador ho nia topiko :
1. Rui Viana (Direitor Ass.HAK) ho Topiku “ Sosiadade Sivil nia hanoin kona ba CAC
2. Komisario CAC ho Topiko “Papel CAC in geral”
3. Sr. DR. Silverio P. Batista. Provedoria dos Direitos Humanos ho Topi “Oin sa kolaborasaun PDHJ ho CAC ba kombate no prevene korupsaun”

Observador :
1. DR. Luis Sampaio Oliveira (Direitor JSMP)
2. DR. Ivo Valente
3. DR. Fernando (Defensor Publiko)

Audensia
4. Ovintes Direito FM
5. Estudante Universitariu (kada Univ.ema nain 2)
6. ONG
7. Media