Transmiter Direito FM keima

Dezastre bot nebe mak kona radio direito iha dia 16 de Desembro 2009 maka transmiter nebe durante ne'e On Air keima iha nia mekanik digital nia hodi labele halo transmisaun informasaun ba nia audensia sira.

Transmiter ne'e keima tamba electrisidade lao la normal. Problema ne'e halo crew sira servisu maka'as hodi buka alternativu seluk maibe kondisaun sei la resolve tamba mekanik laiha. Crew sira husu tulun iha Tekniko RTL Sr. Zino maibe nia mos labele halo buat ida dalan ikus mak hein deit mekanik husi Indonesia liu husi RTL nia Tekniko sira. Direito FM sei la halo transmisaun iha semana 3 nia laran.

Crew sira senti ne'e problema bot ida nebe radio hasoru. Programa barak maka sira perpara ba fulan Desembru maibe tenki para tamba ekipamento at.

Direito FM transmisaun directa Forum Public

Ratifika konvensaun ba ema nebe lakon e ba mos violasaun direitus humanus no hari lalais justisa (convention on enforced dissaperances victims rights on truth and justice and the urgency of ratification by Timor leste)

Iha forum publiko ida ne’e koalia kona ba konvensaun ema lakon durante tinan barak nia laran.no objektivo Delegasaun AFAD mai iha Timor Leste ne’e atu halo konsultasaun no loby ba Estado Timor Leste hanesan Presidente da Republika, Parlamentu Nasional,Ministerio Negosio Estrangerio, Komisaun sira nebe mak koalia liu kona ba Direitus Humanus,KVA,Komite 12 de novembro,P.M.I.hodi bele fo importansia oinsa atu ratifika konvensaun ida kona ba ema lakon,e relasiona ho relatorio CAVR nian oinsa atu buka tuir ema nebe lakon ka ruin naklekar desde tinan 1975 até agora. Familia Vitima sira la hatene los ruin sira ne’e iha los nebe.tamba ne’e liu husi diskusaun publiku ida ne’e, Delegasaun AFAD mos atu vizita Assosiasaun HAK nebe sai ona membru foun ba AFAD, Misaun AFAD ne’e mak oinsa Timor Leste bele ratifika Konvensaun ba ema lakon no violasaun direitus humanos

Iha Public Forum ne’e iha mos partisipante sira mak Delegasaun AFAT, Estudante universitario, ONG no Familia Vitima. :
Delegasaun AFAD :
1. Mugiyanto : Organizasaun IKOHI Jakarta no sai hanesan mos
Coordenador Geral ba AFAD,husi Indonesia
2. Marry Ailien Diez : Bacalso,Filipina no sai hanesan mos sekjen ba AFAD.
3. Rosan Santos : Conteras,membru AFAD.
4. Ruth : Hanesan membru AFAD husi Bolivia
5. Khusham kasmir : Hanesan membru AFAD husi India
Konvensaun ba ema lakon katak ohin loron ita seidauk identifika ema nain hira mak lakon e lakon ne’e ba los nebe,e sira nia ruin naklekar los iha nebe….?
Nune’e mos iha ema Timor oan barak mak hanesan estudante nebe militar Indonesia sira lori ba escola no refujiadus sira to’o oras ne’e barak mak la mosu,maibe ita la hatene oras ne’e sira iha nebe los ? moris ka mate ?
Tamba ne’e liu husi diskusaun ida ne’e hanesan dalan ida oinsa bele iha konvensaun spesifiku ida ba violasaun direitus humanus ou ba ema nebe mak lakon.

Istoria Mugiyanto
Mugiyanto mos sai nudar vitima iha tempo rejimu soeharto nian,nebe Mugiyanto hetan turturasaun nebe bo’ot no todan tebes husi inimigu sira antes de mosu reformasaun iha tinan 1998,durante fulan nen nia laran.maibe ho grasa bo’ot teb-tebes Mugiyanto bele hetan fali naroman no sente fali mundu nia roman,husi ida ne’e Mugiyanto hamoris fali organizasaun ida ho naran IKOHI no oras ne’e dadaun Mugiyanto sai nudar Coordenador Jeral ba organizasaun AFAD nian.
Nune’e mos Mugiyanto hatutan tan katak delegasaun husi AFAD nian ida ne’e sei halao soru mutu ho Estado Timor Leste atu halo konhesemento ba konvensaun ida ne’e atu nune’e bele dudu ita nia parlamentu nasional no entidade estadu Timor Leste atu bele ratifika konvensaun ba ema lakon.

Istoria Marry Ailen
Tuir Sra.Ailen katak convensaun ida ne’e hari’i laos husi advogado sira,maibe hari’i husi ema terus nain sira no husi luta povu nian no federasaun ida ne’e hahu desde tinan 28 kotuk liu ba.

Konvensaun ida ne’e hari’i atu hamenus violensia direitus humanus iha mundo tomak,no servisu hamutuk atu halo ratifikasaun kona ba kazu ema lakon,atu nune’e la iha tan vitima ba oin.
Nune’e mos Ailen hatutan tan katak razaun primeiro husi convensaun ida ne’e mak nação unidus bele ratifika kona ba konvensaun ida ne’e tamba ne’e mak nação sira seluk hanesan Amerika,Honduras no nacao sira seluk ratifika tiha ona kona ba konvensaun ida ne’e tamba sira nia presidenti mos sai nudar activista ida.konvensaun ida ne’e barak liu hetan ratifika husi nacao Amerika,no iha nacao Asian nian japaun mak ratifika ona kona ba konvensaun ida ne’e.

Sra.Ailen mos hatutan tan katak simu HAK hanesan membru AFAD e nia espera liu husi kolaborasaun diak ida ne’e bele fo mos rejultado diak ba estadu e mos ba povo e liu – liu ba vitima violasaun direitus humanus.tuir Ailen katak durante loron ne’e delegasaun AFAD iha Timor Leste,sira hare katak estado TL iha esperansa bo’ot atu ratifika konvensaun ida ne’e.hamutuk nasaun sanulu resin ne’en(16) ona mak ratifika ona konvensaun ida ne no sira espera katak,TL bele sai Membru sanulu resin hitu (17) mak ratifika kona ba konvensaun ida ne’e.Nune’e mos AILEN hatutan tan katak husu ba estado atu hare ba turturasaun nebe nia hetan husi milisia besi merah putih ho sakunar,ne’e importante atu tau importansia ba konvensaun ida ne’e.

Istoria Ruth
Sra.ida ne’e Nudar representa husi AFAD,nia hakarak fo solidaridade ba ita hotu.”ami hotu kontente no de fim ami simu duni HAK nudar membru AFAD nian atu nune’e AFAD bele forte liu tan,nune’e mos sra.ne’e hatutan tan katak:ami komprende tebes ho povu nia frustrado nebe mak la hetan buat ruma depois de sai nudar vitima iha tempo krize nia laran,ami komprende tebes ho povu Timor nia kanek no terus durante iha situasaun nia laran,ne’e duni ami espera katak ita bele servisu hamutuk atu bele hetan solidaridade.

Konvensaun ne’e bele responde vitima nia nesesidade,nune’e mos konvensaun ida ne’e hanesan instrumento ida atu bele hametin relasaun diak entre povu ho nia lideransa.
Pontus importante nebe mak iha konvensaun ne’e mak hanesan :fo liberdade no lialos,nune’e mos ema idak-idak labele sai objektivo iha konvensaun halakon ema nia vida ho obriga.
Ami espera katak Timor Leste bele sai nudar membru husi konvensaun ba dala sanulu resin hitu (17) atu nune’e nasaun ida ne’e bele luta hasouru problema halakon ema nia vida ho obriga tamba Timor Leste agora daudaun iha numero nebe mak a’as liu kona ba problema ema lakon.
Pontu importante seluk mak vitima sira ne’e iha direitu atu hetan reparasaun ou nesesidade nebe mak vitima sira presisa.ratifikasaun konvensaun ida ne’e hanesan etapa bo’ot liu,importante liu mak solidaridade no servisu hamutuk atu hari’I nasaun ida ne’e ba iha oin.Sra.ne’e mos hatutan tan katak agora ita bele tuku odamatan governu nian atu bele hatama nasaun ida ne’e iha membru konvensaun AFAD nian ba (17),la fasil atu hetan atensaun husi governu maibe ita hotu espera katak ran husi martires nian bele hamamar sira nia laran.no ita presisa luta nafatin atu nune’e la iha tan fakar ran iha nasaun foun ida ne’e.

Istoria Kashmir
Sr.ida ne’e luta ba indenpendensia durante tinan nen nulu resin rua (62) nia laran,maski sira luta naruk tiha ona sira sempre aprende luta ida ne’e hanesan passo bo’ot ida atu luta nafatin ba oin.Sr.ne’e mos hatutan tan katak iha tempo transisaun nia laran depois de ita nia luta ita tenke hanoin paz no direitu tenke tau iha ita nia lideransa nia liman,no ita mos tenke aprende liu tan husi ita nia luta..
Service solidaridade sivil mak bele hare futuro atu bele hari sistema nebe diak iha rai ida ne’e,konvensaun ida ne’e hanesan inisiativu ida atu bele hasae povu nia moris.

Direito FM ho esforsu maka’as halo transmisaun directa nebe hahu husi 09.00 to’o 12.15. Dili,24 Novembru 2009

Programa Direito FM

Maske sei menus ekipamento Direito FM haka'as an nafatin iha nia Audensia nia futar tilun. hahu husi tiku 07.00 dader to 23.00 kalan ho nia programa nebe crew sira perpara.

Direito FM mos haka'as an no perpara ekipamento nebe standar FM nia, oras ne'e dau-daun servisu hamutuk ho Radio AM Satunama Jogjakarta hodi hola sasan nebe Direito FM persija.
Ami espera katak tama ba tinan 2010 audensia Direito FM nia iha nebe deit (DILI) bele ona asesu radio ho sira nia mobile phone rasik no espera mos katak Audensia bele aumenta tan.

Programa nebe iha valor edukasaun mak hanesan Ne'e ita nia Konstitusaun programa ne'e nia objetivu no targetu ba Alunumus sira husi pre-sekundaria to'o Secundario iha Dili laran. Programa ne'e sei fo konyesemento ba alumnus sira kona ba Distritu 13 iha Timor laran. Ba programa edukasaun civika sei iha programa kona ba Saida maka camara munisipio.
iha kalan sei iha programa kona ba Profile ba husi ita nia inan aman sira nebe halao sira nia vida moris hanesan povo bai-bain. iha mos Tips ba maluk sira nebe foin atu hahu hari organizasaun non govermental ho nia materia oinsa sai organizador ou lidera organizasaun ruma, hakerek proposta, maneja servisu sll. programa merkadoria nebe sei fo sai folin nesesidade baziku nia loron-loron.

Rona hodi hatene
Katak buat barak ita hare mak bele hatene maibe iha Direito FM hanesan media nebe uza tilun nia filosofia mak Rona hodi Hatene. wainhira ema larona sira labele hatene saida mak akontese i radio maske iha nia frakeja barak atu bot liu media seluk maibe nia mos iha forsa bot ida nebe media seluk labele halo tuir. katak ema ua tilun hodi rona iha nebe deit halo saida deit hanesan inan sera te'in hela iha dapur, servisu iha fatin nebe labele atu iha tempo atu hare ou tur hodi Le'e journal liu husi radio ema bele halo aktifidade oin-oin maibe bele tuir nafatin notisia ou programa.

Iha nia Sub tema hakerek katak,Imi iha direito atu rona i ami iha dever atu hato'o

Dili, dia 13 Novembru 2009

Programa Off air Direito

Dili,09 outobru 2009.
Direito FM hanesan Radio nebe sempre fo valor humana nebe as tan ba ne'e tuir nia visaun no misaun. Direito FM laos halo publikasaun deit liu husi transmisaun maibe mos halao aktifidade publiko nia hanesan programa nebe iha interese ba komun. iha dia 5 Outobru hamutuk ho aktifista husi Universitario, ONG no Media seluk hari Klibur Solidaridade ba Vitima Dezastre Naturais Sumatra Indonesia nebe hamutuk halao kaisa solidaridade no kolekta osan ba vitima sira iha Indonesia.
Unversitario mak hasi : UNTL, UNDIL, UNITAL, no DIT
ONG :P.HAK, FTM,ITA BA PAZ (FONGTIL)no Uma Kreatifidade no
media mak hanesan : Direito FM, Radio Akademia (UNTL), Timor Post,Semanal Kla'ak no Metro TV (Indonesia).
Programa ne'e sei hahu iha dia 08 - 15 Outobru 2009 (Minus dia 09 tamba eleisaun suko). Nebe nia posko iha P.HAK no Direito FM nia fatin.

RAMOS NEGA, XANANA MONU?

Filipe Rodriguês Pereira*
Quinta-feira, 24 de Setembro de 2009

Kazu Martenus Bere nebe’e sai polemika bo’ot iha nasaun ne’e sei haduir a’an ba’a nafatin ho nia funan no renda-renda oi-oin. Mosu tan progresu foun, Presidente da Republika (PR) liu husi ninia encontro ho PGR, Dra. Ana Pessoa hateten katak la’os nia mak halo presaun ba’a Governo atu fo’o liberdade ba’a Martenus Bere. Deklarasaun ikus ne’e hanisik liu tan publiku. Kazu Bere nian ne’e atu fika paradu no lakon deit liu husi negasaun PR nian?! Karik PR, Ramos-Horta senti katak la’os nia mak halo presaun ba’a PM Xanana hodi liberta Bere, Ramos-Horta iha poder konstitusional tomak atu husu PM Xanana resigna a’an tamba PM Xanana viola ona lei no dignidade nasaun ne’e nian. PR, Ramos-Horta tenki iha korajen politika atu husu PM Xanana resigna a’an. Ka Ramos-Horta la’iha forsa moral atu husu Xanana resigna a’an tamba nia hatene nanis katak nia mak problema ne’e nia hun?!

Hahalok no lala’ok lideransa nasaun ne’e nian dalabarak ona mak hanisik publiku. Nisik tamba lideransa nasaun ne’e gosta leno nia matenek bosok hodi bosok nia propiu povu. Karik ita hakarak hare di-diak ba’a kotuk, PR, Ramos-Horta durante tinan rua nia laran sempre hato’o oferesimentu politika nebe’e todan ba’a governu tolan. Karik governu la kumpri maka PR buka halo ameasas oin-oin. Publiku sei lembra, tempu liu ba’a PR rekere atu Dr. Mari Alkatiri lidera Projeitu Mina Tasi Timor, iha OGE 2008 PR hakarak promulga OGE maibe nia fo’o kondisaun, Dra. Ana Pessoa tenki sai PGR. Foin dadaun, relasiona esbosu lei KAK nian, PR husu atu governu muda artigu balun iha esbosu lei KAK nian ne’e tamba PR hakarak oferese Dr. Rui de Araujo nia naran atu sai mos nudar komisioner ida ba’a KAK. Rona dehan, PM Xanana ikus aseita atu muda esbosu lei KAK ne’e tuir PR nia hakarak. Ikus dadaun ho kazu Bere, PR fo’o mos kondisaun, PR sei la marka ninia prezensa iha komemorasaun 30 de Agostu 2009 karik governu la liberta uluk lai Martinus Bere husi Detensaun. Tuir ema hotu hatene, atetude PR nian ne’e halo bainaka sira tenki hein PR durante horas ida resin nia laran atu hahu serimonia komemorasaun 30 de Agostu.

Maibe ikus mai, wainhira Tribunal Rekursu hasai komunikadu hodi dehan katak tuir lei, Kode Penal Timor-Leste nian so Tribunal deit mak iha k’nar atu bele fo’o liberdade no halo kapturasaun ba’a ema nebe’e komete iha krimi, se mak liberta priosioneiru ida husi detensaun maka nia sei hetan kastigu tinan 2 to’o tinan 6. Hakafodak ho komunikadu TR nian ne’e, PR ikus mai ho matan-mean-mean nega katak la’os nia mak halo presaun hodi husu governu fo’o liberdade ba’a Martinus Bere.

Duvidas mosu iha publiku nia let relasiona ho negasaun PR nian. Karik la’os ninia presaun, tamba sa mak PR atu lakohi marka ninia prezensa iha komemorasaun 30 de Agostu 2009?! Ajenda saida mak PR koalia iha encontru ida entres PR ho Lucia Lobato, Natersia no Longinhos antes de komemorasaun 30 de Agostu hahu?! Governu tenki responde tamba sa’a mak governu lori Bere ba’a entrega iha embaixada Indonesia nian?! PN tenki esplika, ho razaun no motivu sadia mak halo PN la fo’o vota a favor ba’a PR atu halo viagem ba’a Nova Iorke iha primeira plenaria?! Povu hein atu lideransa instituisaun seberanu iha nasaun ne’e bele esplika lolos sobre desastre ka eskandalu politika bo’ot ne’e. Ka sosiadade iha nasaun ne’e la’iha direitu atu hatene, no lideransa iha nasaun ne’e la’iha obrigasaun atu hatan?! Lideransa nasaun ne’e kala senti katak maioria povu iha nasaun ne’e sei hanesan ho povu nebe’e mak uluk kolonialista Portugues ukun iha tinan atus nia laran liu ba’a, povu nebe’e mak bele fiar no hare hahalok no lalaok bosok nebe’e lideransa sira hatudu ho kontente ba’a sira nia propiu povu. Ohin hakarak no koalia oin ida aban hakarak no koalia oin seluk, ohin hamutuk foti desizaun ba’a kazu ida aban buka nega ho matan-mean-mean. Karik foti desizaun ida ho razaun intereses nasional maka la’rasional wainhira loron ikus mai halai husi responsabilidade. Foti desizaun tamba intereses nasional ka atu salva intereses pessoal?!

Wainhira hare di-daik, PR nia negasaun sai nudar presaun nebe’e bo’ot no todan liu tan ba’a lideransa governu atu buka resolve kazu Bere ne’e. Karik negasaun ne’e mak la’iha baze nebe’e forte, ikus mai iha justifikasaun no evidensias ruma nebe’e hatudu katak PR halo duni presaun hodi fo’o liberdade ba’a Bere, maka bele mos halo kondensaun katak PR habosok mos publiku. Primeiru, PR viola lei hodi fo’o liberdade ba’a Bere, segundu, PR halo bosok publiku (kebohongan publiku). Nudar lideransa estadu nian keta tauk atu tama ba’a “prizaun”, no keta tauk bebeik ba’a nasaun seluk nia presaun. Hakait ho atu hakarak hakiak relasaun diak ho Indonesia, to’o ona (cukup) ho “presaun” nebe’e mak durante tinan 10 nia laran Timor-Leste falun diak teb-tebes ho intereses nasional nia naran hodi ikus harí CTF iha Bali. Relasiona kazu Bere, lolos lideransa nasaun ne’e buka atu hala’o politika diplomasia nebe’e a’as hodi husu mos Indonesia ninia kumpriensaun ba’a Timor-Leste ninia desizaun ruma nebe’e mak iha relasaun ho Indonesia, la’os simu bebeik no tolan tom-tomak Indonesia ninia presaun.

Ita mos presiza buka atu kumpriende katak ba’a kazu Bere nian, problema la’os katak maioria populasaun la ijiji justisa relasiona ho violasoins direitus humanus iha tinan 1999. Point importante iha kazu Bere nian mak, sosiadade senti nisik ho lideransa nasaun nia hahalok no lalaok nebe’e viola lei no dignidade nasaun ne’e nian. Dala ida’tan, Hakerek’nain hakarak sugere katak relasiona ho relasaun entre Timor-Leste no Indonesia, li-liu hakait ba’a issus nebe’e sensitivu nebe’e mosu iha pasadu, Timor-Leste presiza halo ratifikasaun ba’a rekomendasoins CTF nian, tamba wainhira PN sidauk ratifika rekomendasoins CTF nian maka legalmente rekomendasoins CTF nian sidauk bele uza atu regula nasaun rua ne’e nia intereses. Ba’a kazu henesan Bere nian presiza dudu mak esperitu rekonsiliasaun liu husi CTF nia rekomendasaun.

Relasiona mos ho kazu liberdade ba’a Bere, internalmente hatudu mos katak iha falta de koordenasaun entre lideransa instituisaun iha governu nia laran. Karik mak hatene iha ninia konsekwensia, husi inisiu lolos PNTL lalika halo kapturasaun ba’a Martinus Bere, ou parte imigrasaun Timor-Leste lalika fo’o vistu ba’a Bere hodi halo vizita ba’a Suai. Sa’a tan Bere nia vizita halo iha tempu nebe’e la kondis ho kondisaun iha nasaun nia laran. 30 de Agostu la’os loron vitoria nian deit, maibe 30 de Agostu sai mos loron ba’a povu terus nain, li-liu ba’a familia vitima sira atu halerik hodi hanoin hikas sira sofrimentu no susar. Tamba ne’e, la’os depois fo’o tiha vistu ba’a Bere tama, PNTL halo tiha kapturasaun, Hassan Wirayudah halo presaun hodi lakohi marka ninia prezensa iha komemorasaun 30 de Agostu, no mosu issu nebe’e dehan fronteira atu taka mak halo lideransa nasaun ne’e ho imidiatamente liberta Bere husi detensaun. Indonesia la’os foin dala ida halo ameasas ka taka fronteira. Buka haka’as a’an atu so’e ka simu faktor fronteira sai nudar frakeza, tamba Indonesia bele uza fronteira sai nudar tronfu ba’a ninia bargaining politika. Timor-Leste ninia istoria hatudu ona katak Timor-Leste infrenta no hakur liu ona invazaun bo’ot husi Indonesia. Kasian, ho deit ameasas taka fronteira halo lideransa nasaun ne’e namlele a’an. Karik Indonesia taka duni fronteira maka Ministro NEC, Zacarias Albano ho ninia ekipa mak tenki halo esforsu hodi lobby ho Indonesia. Ka Ministro Zacarias lakohi hakas a’an hala’o diplomasia ba’a nasaun ne’e nia intereses?!, teki-teki Hassan Wirayudah telfone ba’a Ministro Zacarias no hateten, karik la liberta Bere maka nia sei la marka ninia prezensa iha komemorasaun 30 de Agostu, no mosu deit issu atu taka fronteira halo Ministro NEC ne’e la hanoin naruk maibe fo’o fali input ba’a lideransa nasaun ne’e hodi viola lei no dignidade nasaun nian.

Viola lei no dignidade nasaun nian relasiona ho kazu Bere nian ikus fo’o mos ninia implikasaun ba’a lideransa governu no estadu nia existensia. Wainhira PR, Ramos-Horta nakfilak ninia a’an sai ba’a Pilatus nebe’e fasi-liman ba’a buat nebe’e akontese maka politikamente Fretilin nudar Partidu Opozisaun iha PN deside atu hato’o Mosaun de Sensura ba’a lideransa governu nian. Sei la logiku no rasional wainhira Partidu Opozisaun sira la bo’ok a’an atu proseza kazu ne’e tuir mekanismu nebe’e lei no konstituisaun permite. Maski husi inisiu Partidu Opozisaun sira hatene mos katak politikamente sira i’is lato’o atu hamonu governu AMP, dalaruma bele hamonu lideransa governu AMP. Ka topu lideransa AMP fizikamente la monu maibe moralmente bele monu, tamba maioria distintus deputadus iha PN sei defende buat nebe’e mak sala. Mosaun de Sensura husi Fretilin no Partidu Opozisaun seluk bele hamosu mos objetivu inderectu ida, fo’o influensia hodi hamonu mos moral husi sosiadade nebe’e mak iha eleisaun liu ba’a suporta harí governu AMP. Maibe, bele mos akontese, ikus mai iha PN bele mosu movimentu politika foun hodi hamonu PR no PM dala ida, tamba konserteza PM sei la’husik a’an atu monu mesak, PM bele dada mos PR atu sira nian-rua monu rame-rame.

Hakerek’nain mos hakarak hateten, kazu fo’o liberdade ba’a Bere la’os kazu ki’ik, kazu ne’e kazu ida grave nebe’e fo’o ninia implikasaun politika no legal bo’ot no luan ba’a nasaun ne’e nia existensia iha prezente no mos ba’a futuru. Lideransa governu no estadu viola lei no viola prisipius separasaun de poder nebe’e sira rasik harí iha nasaun demokratiku ne’e, halo intervensaun ba area judikativu. Tamba ne’e hodi intereses nasional nia naran, presiza duni toma medidas politika no legal nebe’e konstitusional, por ezemplu liu husi Mosaun de Sensura ou medidas legal sel-seluk tan atu husu responsabilidade husi lideransa governu no estadu. Lideransa governu ka estadu monu ka sei la monu la’os problema prinsipal. Importante mos mak, presiza kria kultura politika nebe’e diak no forte iha nasaun ne’e, no ba’a oin istoria mos bele hakerek katak povu nasaun ne’e la’os povu permisivu, povu nebe’e mak bele hare no simu ho kontente hahalok no lala’ok a’at lideransa nasaun ne’e nian nebe’e mak dalabarak gosta viola moral, etika no lei iha nasaun ne’e nia laran. ***END*** (artigu ne'e hatun mos ona iha Timor Post, Edisaun 25/9/2009)

*Analista Politika no Sosial husi Forum Sivika Timor-Leste, Dili

Intervista Executivu ho Presidenta CNE

Direito FM halo intervista executivu ho Presidente CNE Sr. DR Faustino Cardozo Hanesan informasaun nebe ami fo sai ona katak ami sei halo transmisaun direita kona ba preparasaun CNE nia ba prosesu eleisaun suko nebe sei halo iha fulan Otubru oin mai ……….Bainaka nebe konyesidu ona ita hotu konyese no hatene se mak Sr. Doutor Faustino Cardozo hanesan Presindenti Comisaun Nasional Eleitoral….Ekipa nebe servisu mos kontenti ho prezensa DR. Faustino iha Studio. hanesan studio foun no ema permeiro mak mai iha studio. temperatura manas los maske uza AC tuan nebe kondisaun ladun oferese anin nebe diak maibe prosesu intervista lao ho diak. Ekipa nebe servisu (Noi-Presenter, Edio-Modera, Abino-Kontrola Studio no Quim-Observa).

Komunikasi

Loke radio Direito loron-loron imi bele rona tips-tips nebe ajuda imi iha servisu fatin, sai lideransa nebe diak no oinsa bele organiza evento ruma........be imi ami fiar.

Inilah praktik untuk menyatakan segala sesuatu dengan jelas, tanpa agenda yang tersembunyi. Bila Anda menggunakan teknik ini, rekan Anda tidak akan mengira-ngira dan malah salah mengerti terhadap yang Anda katakan.


OTFD : Open The Front Door

O = Observation (Pengamatan)

“Anda tidak ikut rapat pagi ini.”

T = Thought (Pikiran)

“Saya pikir Anda melupakan atau tidak merasa itu penting.”

F = Feeling (Perasaan)

“Ketika Anda tidak muncul, saya merasa marah dan frustasi.”

D = Desire (Keinginan)

“Jika Anda tidak bisa ikut rapat, saya ingin Anda memberitahu sehari sebelumnya atau segera setelah Anda tahu bahwa Anda tidak bisa ikut.”


Apologi empat bagian :
Akui Hal yang Anda Lakukan

Bertanggungjawablah dengan mengakuinya

“Saya mengakui bahwa saya mengacaukan rencana Anda dan menyakiti perasaan Anda ketika saya tidak dapat hadir dalam rapat.”
Meminta Maaf

Nyatakan biaya atau kerusakan yang disebabkan oleh tindakan Anda

“Saya minta maaf karena menyakiti Anda dan membuang-buang waktu Anda dengan membuat Anda menunggu saya.”
Selesaikanlah

Uraikan konsekuensi-konsekuensi sikap Anda dan tawarkan suatu penyelesaian

“Saya tahu Anda telah menunggu saya setengah jam. Adakah pekerjaan yang dapat saya bantu untuk mengganti waktu Anda yang terbuang ?”
Berjanji

Buatlah suatu komitmen untuk berprilaku yang pantas

“Saya setuju akan tepat waku atau menelepon sebelumnya jika saya tidak bisa.”

Mai Ita Hakmatek.......

Mai ita kolu no hisik kosar
No kolen loron ida nian
Antes ain-fatin sama tatis

Hodi simu fali nakukun
Nebe mai falun ita dadaun

Se’e mak sei haksesuk
Para haksesuk
Nebe sei barullu
Para barullu
Nebe kontinua debate
Para debate

Mai ita hakmatek……………….

Fo fatin ba kalan pedasuk ne’e
Hodi hanoin hikas fali saida mak ita liu
Iha loron ida tomak
Atu wainhira ba dukur fatin
Mosu netik iha ita mehi
Idea no hanoin foun

Konaba oinsa hasoru loron aban
Atu nune aban loron nakonu ho
Justisa
Pas
No dame

Hodi hamate abut injustisa
No vilensia iha ita rai doben
Timor Lorosae

Dili, 070709
(Puizia ne'e husi Avan, nebe didika ba taka kalan radio direito fm nia)

Programa Debate Arte Marsiais dia 09 june 2009 iha aula HAK. Direito FM servisu hamutuk ho Instituto Ita Ba Paz.

Crew Direito ho sira nia aktifidade

Introdusaun
Hanesan ita hotu hatene katak direito FM hamrik atu sai edukador, informador, fatin ba mediasaun no advosia nian ne’e ho nia programa foka ba Educasaun civika iha area direitus umano, lei no justisa iha Timor Lorosae. Iha programa hirak nebe sai hanesan mata dalan, direito FM mos uza metodu barak hodi anima nia audensia sira. Metodo nebe atu uza ba progama ne’e mak debate publiko no Direito FM sei transmisi direita ba nia audensia sira.

Organizasaun artes no ritual marsiais hanesan mos kapital sosial ida ba prosesu dezenvolvementu nasaun. Natureza organizasaun nudar organizasaun artes no desportu sai hanesan rekursu importante ida haforsa dezenvolvimentu umana iha Timor-Leste. Maske iha realidadi individual sira nebe involve iha organizasaun hirak ne’e laiha kapasidade ne’ebe balansu para atu aplika talentu sira ne’e.

Iha tinan 2006-2008 krizi ne’ebe mak mosu dau-daun iha Timor-Leste nian laran tomak liu-liu iha Capital Dili, organizasaun artes ritual mariais sira mak sai hanesan elementu ativu ba konflito no violensia iha bairo-sira iha Dili no distritu-sira seluk. No, fo impaktu maka’as ba komunidade ninia moris ne’ebe tauk no traumatik. Alende ida ne’e organizasaun hirak ne’e, tuir ita nia hatene katak uluk sira unidade tebes tamba dala ruma individual sira involve iha membru ba organizasaun sira ne’e sei iha relasaun familia ka sei kolegas intimu.

Nudar organizasaun ida ne’ebe konsidera existensia organizasaun artes-ritual marsiais sira iha Timor-Leste hanesan kapital ba dezenvolvimentu ninian. Nune, hakarak halo programa ida ne’e liuhosi servisu hamutuk entre ITA BA PAZ ho Radio Direitu FM nian, hakarak hato’o-ba publiku hodi transforma persepsaun negativu sira mak prega ba organizasaun hirak ne’e.

VIII. Konaba ITA BA PAZ

Institutu Timor-Oan Estudu Paz no Transformasaun Sosial (Timorese Institute for Peace & Social Transformation Study) ho naran badak ITA BA PAZ nudar fundasaun ida mak independenti no laos organizasaun lukru. ITA BA PAZ estabelese bazeia ba dezisaun Konsellu Board HAK ninian data 29 Dezembru 2009 hodi responde ba komitmentu Asosiasaun HAK ninian iha area transformasaun konflitu no harii paz iha Timor-Leste. Tamba esperiensia konflitu violensia ne’ebe akontese, iha kontestu nasaun foin sai husi konflitu (post conflict nation).

Hanesan difinidu iha estatutu, ITA BA PAZ ninia vizaun mak kria estrutura no transforma mentalidadi entidadi sosial juventude no artes ritual marsiais ne’ebe ativu, responsivu no partisipativu promove paz ne’ebe realistiku, justu no sustentabel. Atu hetan vizaun ida ne’e, nune ITA BA PAZ sei hala’o misaun hirak tuir mai ne’e: a) transforma potensia no rekursu joven ho elementu organizasaun artes & ritual marsiais hodi sai nudar ajenti ativu harii paz iha sosiedadi, b) Habelar prinsipiu no valores paz ninian ba sosiedadi liuhusi papel joven no organizasaun artes & ritual marsiais sira, no c) Hametin kooperasaun besik entre entidadi sosio politiku no kultura iha sosiedadi Timor-Leste no ho komunidadi internasional ba esforsu prevensaun konflitu no promove paz ne’ebe realistiku, justu no sustentabel;

Misaun ITA BA PAZ ne’e rasik sei atinji liuhosi realizasaun objetivu prinsipal mak hanesan tuir mai ne’e: 1) Juven no organizasaun artes ho ritual marsiais sira sai ajenti ativu harii paz liuhusi ativu iha asaun violensia laek, 2) Joven no organzasaun artes & ritual marsiais sira adopta no habelar valores-sira violensia-laek iha pratika vida moris pesoal iha uma kain, komunidadi no nasaun laran, 3) Joven no organizasaun arte no ritual marsiais sira sai parseiru ba orgaun estadu-guvernu, sosiedadi sivil no ajenti internasional sira iha prosesu dezenvolvimentu no harii paz iha Timor-Leste;

ITA BA PAZ deklara hamrik iha data 05 fulan Maiu 2009 iha Aula Asosiasaun HAK Farol, Dili Timor-Leste. No, lidera husi lideransa no staf sira balun ne’ebe servisu iha programa transformasaun konflitu no harii paz durante ne’e iha HAK. ITA BA PAZ hamrik iha ninia vizaun, misaun no objetivu-rasik mak “Hakarak realiza sosiedadi Timor-Leste ne’ebe moris iha ambiente paz no goza liberdadi pesoal, kaer-metin identidadi sosiu-kultural, ativu no partisipativu no respeitu direitus humanus. Atu lori-vizaun ne’e sai iha realidadi, ITA BA PAZ sei hala’o misaun hirak; a) transforma potensia no rekursu joven ho elementu artes & ritual marsiais hodi sai nudar ajenti ba mudansa no hari’i paz; b) liuhosi estudu no edukasaun konaba paz hodi adopta prinsipiu no valores ativu violensia-laek, no; c) hametin parseria ho autoridadi estadu ba moris paz ne’ebe justu, realistiku no sustentabel iha Timor-Leste”.

Atu lori misaun hirak ne’e sai realidadi, nune ITA BA PAZ sei atinji objetivu xave tolu mak hanesan tuir mai ne’e:
1) Juven no organizasaun artes ho ritual marsiais sira sai ajenti ativu hari’i paz liuhusi ativu iha asaun violensia-laek;
2) Iha kapasitasaun ba joven no elementu organizasaun liuhosi prosesu transferensia abilidadi no matenek;
3) Joven no organizasaun arte no ritual marsiais sira sai parseiru ba orgaun estadu-guvernu, sosiedadi sivil no ajenti internasional sira iha prosesu harii paz no solidaridadi;

Objetivu;

1) Objetivu Jeral: Programa ida ne’e hakarak halo transformasaun ba persepsaun-sira hosi publiku konaba existensia organizasaun artes-ritual marsiais ne’ebe konsidera nudar elementu konflitu violensia hodi sai fali nudar ajenti ba transformasaun sosial no harii paz iha sosiedadi liuhosi ezersisiu artes no desportivu;

2) Objetivu espesifiku-sira:
a) Liu hosi programa ida ne’e publiku bele hetan no hatene susesu ruma relasiona ho lalaok organizasaun artes-ritual marsiais durante ne’e;
b) Hadia relasaun no hametin unidade nebe uluk iha ona e depois naksobu tiha;
c) Reorganiza fila fali organizasaun sira nebe durante ne’e involve iha konflitu
d) Hari konfiansa ba malu hodi promove paz no dame nudar apoiu ida ba prosesu dezenvolvementu.

Metodu
1) Husu no hata’an
2) Hanoin-lisuk
3) Mensajen Edukasional hodi promove paz

THEMA;
HARI’I PAZ LIUHOSI EZERSISIU ARTE MARSIAIS IHA TIMOR-LESTE

Data Oras Fatin
09 de Junhu 2009 17:00-18:00 Aula HAK,

Moderador Edio Ho Quim

Lia Nain
Pedro Aparicio,Porta Voz PSHT
Jose Cardoso,Lideransa Kmanek Oan Rai-Klaran (KORK)
Ernesto Gusmaó,Padjadjaran
Martinho Gusmao,Lideransa IKS-PTL Kera Sakti
Costodio da Silva,Presidenti Perisai Diri
Gracindo Abril,Rajawali Seruling Dewata
Joào Fernandez, Rajawali Putih

Peritus/Observador
Aniceto Guro-Berteni Neves, Prezidente Festil
Silveiro Baptista Pinto,Adjunto Provedoria Dos Direitus Humanus no Justisa
Firminio Diaz,Prezidenti Komisaun Reguladora Artes Marsiais Timor-Leste

Pergunta geral.Ba Arte Masiais Sira :
Existensia organizasaun arte-marsiais iha Timor-Leste hasoru dilema enkuantu iha mudansa bo’ot hosi situasaun nudar sosiedadi kolonizadu ba iha situasaun tranzitoriu ida molok sai nudar sosiedadi Ukun Rasik A’an (URA). Existensia organizasaun hirak ne’e iha momentu Indonezia nia tempu burak no dezenvolvidu tuir natureza no karakteristiku organizasaun nian hanesan “artes & desportu”.
Iha tinan 2006, no tempu balun molok ida ne’e, elementu organizasaun hirak ne’e sai potensia ba konflitu violensia iha komunidadi ninia le’et. Tuir konstituisaun RDTL, existensia organizasaun hirak ne’e nudar manifestasaun hosi ezersisiu direitu fundamental sidadaun nian konaba liberdadi harii organizasaun no asosiasaun. Hosi aspeitu sosiu-kultural organizasaun ninian, artes marsiais nudar kapital ba dezenvolvimentu nasional ida. Foin iha Dezembru 2009, organizasaun arte marsiais hirak ne’e organiza a’an liuhosi Federasaun Silat Timor-Leste (FESTIL).
Iha momentu diskusaun ida ne’e, iha pontu interogasaun ruma refleta hosi situasaun atual agora daudaun ne’e: 1) Oinsa organizasaun sira ne’e dezenvolve iha tempu URA ne’e ninia laran, 2) Situasaun no realidadi agora ne’e sai nudar oportunidadi no obstaklu dala ida deit ba organizasaun sira, 3) Oinsa existensia organizasaun hirak ne’e ninia ligasaun ho instituisaun no politika Guverno-TL iha tempu agora no iha futuru oin-mai? No 4) Oinsa atu transforma persepsaun sosiedadi ninian konaba organizasaun arte marsiais nudar elementu konflitu violensia muda fali tuir natureza nudar artes * desportu hodi kontribui ba transformasaun sosial no harii paz iha Timor-Leste?

Pergunta ba Presidente FESTIL Sr Aniceto Neves
FESTIL nudar orgaun mahon ba organizasaun artes marsiais “Silat” iha Timor-Leste. Existensia FESTIL simu konfiansa todan ida atu bele lori organizasaun sira mak sai membru ba FESTIL ne’e hodi lao tuir ninia natureza no karakteristiku “Artes & Desportu” hodi kontribui ba transformasaun sosial no harii paz. Nune, iha mos pontu interogativu lubun ida ne’ebe sai servisu ba FESTIL, 1) Oinsa FESTIL hare’e-ba situasaun no realidadi sira mak organizasaun membru FESTIL nia infrenta, 2) Saida mak sai nudar asaun konkrit hosi FESTIL nudar organ mahon ba organizasaun artes marsiais hirak ne’e, 3) Estratezia saida mak FESTIL sei hala’o hodi bele tau organizasaun hirak ne’e tuir sira nia natureza no karateristiku nudar organizasaun artes no desportu iha Timor-Leste, 4) Oinsa FESTIL bele transforma existensia organizasaun membru-sira ne’e hosi persepsaun nudar elementu ba konflitu violensia hodi sai nudar ajenti ba harii paz?

Pergunta ba Provedor Direitus Humanos Sr. Silverio B.
Iha preukupasaun oin-oin konaba existensia organizasaun artes marsiais iha Timor-Leste. Liu-liu refleta ba situasaun real no aspeitu lejitimidadi organizasaun sira nian. Tamba ne’e, liuhosi diskusaun ne;e, importante atu fo atensaun ba pontu interogasaun hirak tuir mai ne’e:
6) Oinsa existensia organizasaun arte marsiais iha Timor-Leste hosi aspeitu direitus humanus?
7) Karik iha potensialidadi atu dezenvolve organizasaun artes marsiais hirak ne’e atu promove paz, respeitu direitus humanus iha Timor-Leste?
8) Konaba involvimentu elementu organizasaun sira iha krizi 2006 ne’e, oinsa hare’e hosi aspeitu responsabilidadi nudar pesoal/individu ida no-mos nudar membru organizasaun artes marsiais tuir lei iha Timor-Leste?
9) Saida mak sai nudar obstaklu ba organizasaun artes marsiais hirak ne’e atu dezenvolve hodi sai nudar ajenti ba dezenvolvimentu?
10) Karik iha posebilidadi atu transforma persepsaun publiku ba organizasaun hirak ne’e nudar elementu ba konflitu violensia ba fali nudar ajenti harii paz? Oinsa?

Pergunta ba Presidente Comite Reguladora Artes Marsiais, Sr.Ferminio Diaz
Krizi 2006 liuba ne’e bolu atensaun seriu Guvernu Timor-Leste ninian konaba existensia organizasaun artes marsiais sira iha Timor-Leste. Tamba ne’e, Guverno-TL hamosu rezime legal hodi regula existensia no atividadi organizasaun hirak ne’e. Liuhosi diskusaun ida ne’e, importante atu re-afirma politika Guverno-TL nian. Tamba ne’e presija iha espasu ida hodi bele: 1) Iha esplikasaun konaba razaun Guvernu Timor-Leste hasai Dekretu Lei no. 10/2008 hodi regula ezersisiu organizasaun arte marsiais iha Timor-Leste, 2) Dekretu Lei no. 10/2008 ne’e regula saida-deit, 3) Depois Dekretu Lei ne’e tama iha vigor, saida mak sai nudar obrigasaun Guvernu TL ba dezenvolvimentu organizasaun arte marsiais hirak ne’e? No, 4) Apoiu konkrit ida oinsa mak Guvernu sei halo hodi dezenvolve organizasaun artes-ritual marsiais hirak ne’e lao tuit natureza no karakteristiku artes no desportu iha Timor-Leste?

Knar radio Direito

I. ANTESEDENTE

Tuir planu politika no programa governu iha tinan 2009, maka hanesan perparasaun ba eleisaun munisipiu no eleisaun konselu suku. Perpara sidadaun sira atu bele susesu ba programa hirak ne’e maka husi governu rasik sei persija oinsa atu habelar informasaun ba populasaun/sidadaun atu hodi votantes sira hatene oinsa hato’o sira nia direitu hodi partisipa iha eleisaun rua ne’e.

Tanba ne’e, Assosiasaun HAK nudar organizasaun ne’ebe servisu ba promove no proteje direitu umanu, ne’ebe HAK mos iha preukupasaun li-liu kona ba direitu ba informasaun no direitu ba partisipasaun politiku husi sidadaun. Tanba ita hotu aprende ona husi krizi 2006 no prosesu eleisaun jeral 2007, bainhira populasaun/sidadaun la hetan informasaun ne’ebe sufisiente no adekuadu maka bele iha potensia boot atu hetan manipulasaun no hamosu konflitu.

Rerlasiona ho planu politika no programa hirak ne’e, maka husi Asosiasaun HAK hakarak involve iha prosesu desimina informasaun ba populasaun/sidadaun liu husi emisora radio Direitu FM 88.80 MZh.

Tuir peskiza ne’ebe hala’o husi lembaga INSIDE Timor, indika katak maioria populasaun Timor Leste barak mak simu informasaun husi radio neduni Asosiasaun HAK mos agora dezenvolvi ona stasaun radio atu servi no eduka populasaun sira liu husi stasaun radio.

II. PLANU ATIVIDADI:

Iha fulan Setembru 2008, Asosiasaun HAK hari’i stasaun radio independenti ida ho naran radio DIREITO. Stasaun radio ida ne’e komesa hahu ho ninia ekipamentu nebe minimu no konsege hahu transmisaun iha loron 16 Setembru 2008, fatin Farol-Dili, Timor Leste ho ninia frequensia 88.80 MZh nebe hetan autorizasaun husi ARCOM (Autoridade Reguladores Comunicasaun).

Staf sira servisu ”On Air” komesa oras tuku 07.00 dader to’o oras tuku 12.00 kalan + oras 18 nia laran no loron servisu komesa Segunda to’o Sabado. Staf sira hato’o informsaun liu husi tranmite radio sei uja lian rua hanesan lian Tetum no lian Indonesia. Tanba sa mak uja lian rua ne’e? Tanba populasaun barak iha Timor Leste barak mak kompriende liu lian rua ne’e.

Relasiona ho programa projectu ne’e, maka sei hala’o planu atividadi kona ba halibur no kolekta informasaun kona ba eleisaun munisipiu no eleisaun konselu suku hodi utiliza sai pakoti informasaun nebe bele eduka populasaun sira oinsa prosesu eleisaun ne’e.

Planu operasional radio
Hanesan mensiona iha objetivu katak radio ne’e sei funsiona atu halao edukasaun sivika liuliu oinsa perpara sidadaun sira nebe iha Dili atu partisipa ho suksesu iha iventu politiku nasional nebe sei akontese iha tinan 2009 (eleisaun munisipiu no konsellu suku). Nune maka operasiona radio ne’e sei kompostu husi aktividadi hirak mak importante hanesan:
1. Produsaun informasaun publiku.
Aktividadi ne’e sei halao liu husi halibur informasaun husi instituisaun relevante husi governu, ONG, no agensia internasional nebe servisu no halao programa politiku nasional. Staf husi radio ne’e, loron-loron sei ba iha eskritoriu instansia governu nebe relevante inklui Parlamentu Nasional no Gabinete Presidente da Republika hodi intervista ka foti informasaun nebe produz ka ezisti iha neba. Depois mos sei halibur informasaun ka komentariu husi sosiadadi sivil no komunidadi baibain kona ba asuntu ne’e. Fontes informasaun ida mos nebe sei utiliza atu ha’riku produsaun informasaun nebe sei produz mak relatoriu ka publikasaun informasaun husi media massa nebe sai loron-loron.
Husu informasaun nebe halibur ona ne’e, depois staf radio kompila no formula hodi sai pakote informasaun loron-loron nebe sei publika iha radio ne’e ba ovintes. Pakote informasaun nebe sei produz ne’e ba kategoria rua. Pakote ida mak kona-ba notisias ka informa ba publiku kona-ba saida mak akontese iha loron-loron iha Timor, hahu husi atividades husi governu to’o akontesimentu ruma iha sosiadadi Timor. Pakote sigundu mak informasaun ba edukasaun, nebe ninian konteudu mak elabora profundu oituan ba asuntu espesifiku ka materia husi lei ka politika ruma.
Husi produsaun rua ne’e, depois sei organiza hodi publika iha radio tuir programa greilha nebe deskreve iha parti kraik.
2. Produsaun ba publikasaun edukativu (iklan layanan)
Instrumentu ida hodi eduka sidadania nebe responsavel mak liu husi publikasaun edukativu (iklan layanan). Publikasaun edukativa mak produsaun ba informasaun hodi publikasaun ba publiku kona-ba oinsa haburas valores no hamosu konsiensia sidadania sira hodi responsavel ba dezenvolvimentu estadu nebe sustentavel.
Tuir planu, staf radio ne’e sei dezenvolvi kooperasaun ho entidades oin-oin hodi produz publikasaun oin-oin, hanesan:
- publikasaun kona-ba kontra violensia
- publikasaun kona-ba respeita lei no direitu umanus
- publikasaun kona-ba respeita regulamentu tranzitu
- publikasaun kona-ba kontra korupsaun no boa governasaun
- publikasaun kona-ba hadomi produtu nasional
- publikasaun kona-ba meiu-ambiente ka bandu taa ai ka sunu-rai
- publikasaun kona-ba higieni no sanitasaun, …no seluk-seluk tan
Husi publikasaun sira nebe produz tiha ne’e, depois sei organiza atu fo sai ka publika regularmenti iha stasaun radio, tuir programa gereilha nebe deskreve iha kraik.3. 3.
3. Programa “on air” radio
Konsidera katak estasaun radio ne’e foun, nebe sei infrenta limitasaun oin-oin, maka programa “on air” mos sei adapta ho kondisaun nebe iha. Tuir planu, radio ne’e sei “on air” iha dader tuku 08.00 no sei remata iha tuku 23.00, no jeralmenti programa nebe sei fo sai ka publika mak hanesan tuir mai ne’e:
- iha parti dader, sei hahu ho programa “Bomdia Dili” nebe operator sei dada-lia halimar ho ovintes sira kona-ba aktividadi loron ohin nian, informa kona-ba iventu importanti ruma nebe sei akontese loron ohin. Duranti tempu ne’e, sei loke muzika no regularmenti sei publika Publikasaun Edukasaun oin-oin nebe produz ona iha tempu interval. Iha loron mana tuku 10 to’o 12, sei hato’o mos informasaun kona-ba folin sasan merkadu liuliu sasan sira “konsumu baziku” loron-loron. Duranti programa ne’e halao, staf seluk husi radio sei lao ba halibur informasaun hodi depois produz atu publika iha lokraik no kalan.
- Iha parti meiudia to lokraik, programa prinsipal radio mak sei publika informasaun nebe ho karakter edukativu ka informativu nebe kompila ona husi staf radio. Informasaun nebe sei publika mak kona-ba esplikasaun ba lei ruma ka politika ruma nebe governu atu halo ka fo sai. Duranti tempu programa ne’e, sei mos fo sai mos publikasaun edukativu (iklan) regularmenti, nomos ho muzika.
- Iha parti kalan, hahu husi tuku 18.00, programa sei hahu ho notisias ohin loron nian nebe produz rasik husi staf radio, depois notisia ne’e sei repete fali iha tuku 21.00. Depois-de notisia lokraik to’o tuku 20.00, programa radio sei oferese espasu ba parseirus sira atu ense sira nian programa. Depois husi tuku 20.00 – 21.00 programa kona-ba debate ka hanoin lisuk ba asuntu ruma nebe sei modera husi staf radio ho orador nain hirak husi liur. No Depois-de notisia tuku 21.00, programa radio sei kontinua ho “dedika muzika husi no ba ovintes sira. Duranti programa sira ne’e, sei iha interkala ho publikasaun edukativu (iklan layanan) nomos muzika.
- Programa iha sabadu no Domingo, sei dedika ba labarik no edukasaun familia no relijiaun.

Funsaun Radio Direito

Intruduction

Radio hanesan meus ida hodi habelar no fahe informasaun ba ema tomak, I radio mos hanesan parte edukasaun hodi hasa’e no fo konyesemento rekurso ba ema hotu.

Hare ba realidade nebe Timor Leste infrenta liu-liu iha area media nebe ladun iha sensibilidade ba informasaun hodi informa ba communidade hodi hatene, aprende no haktuir sai impaktu bot ba desemvolvemento nasional maske meus oi-oin halo ona (hanesan Journal HAK no Webside) senti (sadar) katak ne’e mos seidauk bele to’o hodi serkula ba ema tomak tamba ne’e radio sai mos hanesan dalan ida hodi bele habelar informasaun.

Hanesan parte ida nebe inportante ba desemvolvemento Timor Leste iha area Direitu, Lei no Justisa P. HAK iha hanoin nebe bot hodi estabelese media alternative ida hanesan stasiun radio ida hodi habelar infornasaun tuir programa P.HAK nia.

Maske ho defikuldade nebe mos P.HAK hasoru liu-liu iha Finanseiro ho ekipamento nebe limitado tebes P.HAK konsege stabelese studio kiik ida iha dia 16 Septembru 2008. nebe halao kedas espermento on air iha loron ne’e to’o fulan 6 nia laran.

Programa nebe sai hanesan esensial ou cirri khas mak programa Dialogo radio On air, programa ne’e iha fulan ida dala ida iha fulan nia rohan ho durasaun tempo oras 1. razaun uza programa dialogu ne’e bele akumula ema barak hodi expresa sira nia hanoin ou idea ba publiku maybe tuir nafatin regra etika journalismo nia.

Dili, 20 de Janeiro 2009

Data radio iha Timor

Iha okos informasaun kona radio sira nebe konsista iha Timor

Dili
No Naran Stasaun Frequincy Status Radio Radius
1 Radio Timor Leste FM 91.70 Publiko Timor Tomak (FM)
2 Radio Rakambia FM.99.50 Komunidade Dili,Ermera,
3 Radio Nain Feto Religiao FM Dili. AM Timor
4 Radio Falintil FM 81.50 Dili
5 Radio Loriko Lian FM 100.50 Komunidade Dili
6 Radio Avoz FM Religiao Dili
7 Radio Akademia FM Universidade Dili
8 Radio AOB FM Akademia Dili
9 Radio Australia FM Dili
10 Radio Portugal FM Dili
11 Radio STL FM 90.00 Unknow Dili
12 Radio Direito FM 88.80 Programa Dili

Distritu
No Distritu ID Status
1 Aileu Radio Rai Husar Komunidade
2 Ainaro Komunidade
3 Baucau Radio Matebian Komunidade
4 Bobonaro Komunidade
5 Covalima Komunidade
6 Ermera Radio Cafe Komunidade
7 Lautem Radio Comunidade Lospalos Komunidade
8 Liquisa Radio Tokodede Komunidade
9 Manatuto Komunidade
10 Manufahi Radio Don Boaventura Komunidade
11 Oecusi Radio Atoni Lifau Komunidade
12 Vikeke Radio Povo Vikeke Komunidade

Tamba sa radio ne'e radio programa

Lia Uluk

Kona ba Radio Programa.
Dala barak ita rona katak radio ne’e hanesan deit, naran mak oinseluk, maibe se ita hakarak atu hatene liutan radio ne’e oin – oin ho nia karakteristik no nia programa nebe lahanesan. Iha nasaun barak radio ne’e oi-oin hanesan iha Timor radio publiko (RTL) radio Komunidade (Rakambia, Loriko Lian nss), radio religio (RTK no Avos) no radio Akademia (universidade) iklan (timor seidauk iha). Ne’e katak radio barak iha no ho sira nia karakteristiko tuir sira nia funsaun no visaun ba sira nia audensia. Iha timor ita foin iha radio ho nia misaun hanesan radio publiku, komunidade, no religio nia. Ita mos seidauk iha radio nebe foka liu ba bisnis no programa executivu ida. Radio programa ne’e nakonu ho edukasaun. Nebe informasaun nebe sai tenki tuir nia misaun rasik hanesan fatin atu expresa no informasaun iha area nebe identifika ona no tuir ezigensia nebe sai preokupasaun ema barak nia. Hanesan halo programa ba Lei, Justisa no Direito Umano. Programa seluk mos hanesan halo dialogu iha radio hodi bele loke audensia nia hanoin kona ba programa nebe fo sai.

Tamba sa radio Programa
Hanoin atu iha radio programa ne’e mosu wain hira hare ba realideda katak iha timor radio barak maibe seidauk bele fo informasaun sufisienti ba nia audensia ho diak. Radio barak nebe iha ho informsaun sor-sorin deit ba nia audensia I dala barak laiha kontinuasaun hodi halo ema barak kotu sira nia konyesemento ba asuntu ruma. Razaun seluk mak radio barak seidauk iha vizaun klaru ba sira nia stasaun rasik. No dala ruma sira rasik laiha konyesemento diak ba sira nia programa nebe sira rasik halo. Liu-liu radio komunidade iha timor laran dala barak uza fali radio komunidade hanesan radio hodi buka lukru ba nia an. Problema seluk mos hanesan iha studio radio mos barak iha Dili maibe sira laiha ekipamento transmitter hodi trasmiti sira nia programa dala barak sira uza fali radio seluk hodi transmite sira nia programa (hanesan radio UNMIT no Programa NGO Lao Hamutuk).

Tamba sa radio ne’e tenki ho radio programa
Radio Direito mosu tamba razaun nebe temin iha leten. Timor Leste persija iha duni nia radio nebe fokus liu ba programa iha area Direito Humanos, Lei no Justisa hodi sai hanesan programa spesial ida maka ho nia karakteris dialogu radio. Programa ne’e hanesan programa identik radio nia.
Radio Programa ne’e sei laiha nutisia. So iha deit programa semanal, taklshow, seminar no dialogu radio.

Iha timor iha mos radio programa maibe laiha stasaun. Hanesan ita rona dala ruma iha RTL nebe programa balun husi UN, ONG (Lao hamutuk ho sira nia programa......) nia nebe sira rasik mak halo depois RTL fo sai liu husi sira nia frequency ba publiku.